Welcoem to posts!!

RosnaSekhar
Posted 7 months ago

ഇതു അമ്മ. അമ്മ എന്നുവെച്ചാൽ ഭർത്താവിന്റെ അമ്മ. അമ്മായിഅമ്മ. എനിക്കു പക്ഷേ അമ്മ എന്നു പറയുന്നത് തന്നെയാണ് ഇഷ്ട്ടം... അമ്മ പോയിട്ട് ഇന്നേക്കു 22 ദിവസം ആയി... ചടങ്ങുകൾ എല്ലാം കഴിഞ്ഞു ഞങ്ങൾ ബാംഗ്ലൂർ തിരിച്ചെത്തി...

പെട്ടന്നുള്ള മരണമായിരുന്നു.. അതുകൊണ്ട് തന്നെ അമ്മ ഇല്ല എന്നു വിശ്വസിക്കാൻ ഇനിയും ആയിട്ടില്ല... ആ ഒരു ദുഃഖത്തിൽ നിന്നു ഇനിയും മോചിതരായിട്ടില്ല...

പ്രായമായെങ്കിലും, എന്താ അമ്മേ നേരത്തെ പോയി എന്ന ചോദ്യം മനസ്സിൽ എപ്പോഴും ആവർത്തിച്ചു കൊണ്ടിരിക്കുന്നു...

കല്യാണം കഴിഞ്ഞ നാൾമുതൽ മറ്റു ആരെക്കാളും എനിക്കു അവിടെ കൂട്ട്
അമ്മയോടായിരന്നു. അമ്മോടൊപ്പമായിരുന്നു എവിടേക്കും പോയിരുന്നത്.. അമ്മ ഒരുപാട് സംസാരിക്കുമായിരുന്നു.എല്ലാം ഒരു കഥപോലെ പറഞ്ഞു തരുമായിരുന്നു..
നാടും, നാട്ടുകാരെയും, ബന്ധുക്കളെയും എല്ലാം എന്നോട് ചേർത്ത് വെച്ചത് അമ്മയാണ്... അമ്മയെ കണ്ടും,കേട്ടും സ്നേഹിച്ചും കൊതിതീർന്നില്ല...

ഇനിയും പലതും പറയാനും, കേൾക്കാനും ബാക്കിയുണ്ടായിരുന്നതുപോലെയൊരു നഷ്ട്ടം... വേദന...

ഒരിക്കൽ പ്രെഗ്നൻസി സ്കാനിങ്ചെയ്യുവാനായി അമ്മയും, ഞാനും, ചേട്ടനും കൂടി ഹോസ്പിറ്റലിൽ പോയി. അന്ന് വെയ്റ്റിംഗ് റൂമിൽ ഞാനും അമ്മയും ഒരുമിച്ച് ഇരുന്നു. ചേട്ടൻ വേറെ മാറി ഇരുന്നു.. അന്ന് അമ്മ എന്നോട് പറഞ്ഞു, പോയി അവന്റെ അടുത്ത് ഇരുന്നോളു എന്നു.. ഞാൻ പക്ഷേ അതു സാരമില്ല എന്നു പറഞ്ഞു അമ്മയോടൊപ്പം ഇരുന്നു. അത്രയേറെ സ്നേഹവും കരുതലും ഞങ്ങൾക്കിടയിൽ ഉണ്ടായിരുന്നു...

നൃത്തത്തിനോട് അമ്മക്കു വല്യ താല്പര്യം ആയിരുന്നു. വിവാഹത്തിനുശേഷം അമ്മയുടെ നിർബന്ധത്തിലാണ് ഞാൻ അവിടെ അമ്പലത്തിൽ ഉത്സവത്തിനു നൃത്തം അവതരിപ്പിച്ചതും.. അന്ന് അമ്മയെന്നെ അണിയിച്ചുഒരുക്കുന്ന ഫോട്ടോസ് ആണ് ഇതെല്ലാം... അമ്മ എന്നും ഒപ്പമുണ്ടായിരുന്നു.. അതെന്റെ ഭാഗ്യമായിരുന്നു.. ഇത്തവണയും എന്തെങ്കിലും അവതരിപ്പിക്കണം എന്നു വിചാരിച്ചിരുന്നു... ഇനി പക്ഷേ അമ്മയില്ലാത്ത നാട്ടിൽ,അമ്മയല്ലാത്ത വീട്ടിൽ, അമ്മയുടെ കൂട്ടില്ലാതെ.... വയ്യ...

ഒരുപാട് നല്ല ഓർമകൾ സമ്മാനിച്ചു അമ്മ യാത്രയായി...
ഇന്നു സ്‌നേഹം ദുഖമായി ഒഴുകുന്നു...

പ്രണാമം ❤🙏🏻

(Already shoot ചെയ്തതും, practice ചെയ്തതും ആയ videos upload ചെയ്യാൻ ഉണ്ട്‌. അധികം വൈകാതെ തന്ന വീഡിയോസ് അപ്‌ലോഡ് ചെയ്യാൻ ഞാൻ ശ്രെമിക്കം.. )

Love you all.. ❤

7 - 10