Mongolia's first Joint Commission International (JCI) accredited hospital
Дэлхийн жишигт хүрсэн, чанартай эмнэлгийн тусламж үйлчилгээг эх нутагтаа бий болгож гадаад улс орнууд руу оношилгоо, эмчилгээ хийлгэхээр явах иргэдийн урсгалыг сааруулах үйлсэд хувь нэмрээ оруулах зорилгоор үндэсний тэргүүлэх 3 компани болох MCS Групп, Энержи ресурс ХХК болон Шунхлай Групп хамтарч өөрсдийн нийгмийн хариуцлагын хүрээнд “Интермед” эмнэлгийг байгуулж 2014 оны 5 сард үйл ажиллагаагаа эхлэсэн билээ.
Интермед эмнэлэг нь 2016 онд олон улсын Joint Commission International (JCI) байгууллагын магадлан итгэмжлэлийн шалгалтыг амжилттай давж, олон улсад хүлээн зөвшөөрөгдсөн Монголын анхны эмнэлэг болсон бөгөөд 2019 онд энэхүү магадлан итгэмжлэлээ дахин баталгаажуулсан.
Төрөлжсөн мэргэжлийн 12 чиглэлээр тусламж, үйлчилгээ үзүүлдэг Интермед эмнэлэг нь дэлхийн тэргүүний ололт дэвшлийг эх орондоо, чанар аюулгүй байдлын өндөр түвшинд үзүүлэхээр ажиллаж байна.