Welcoem to posts!!

in the future - u will be able to do some more stuff here,,,!! like pat catgirl- i mean um yeah... for now u can only see others's posts :c

رحاليستا Rahalista
Posted 1 year ago

الجبل الاخضر في بلادي منكوب وعلى رأسه مدينة درنة.
لطفك يا الله
لكل من يسأل عن حال الليبيين في هذه المناطق بارك الله فيكم، دعواتكم لخوتكم
ورحمة الله على ارواح الضحايا

8.6K - 684

رحاليستا Rahalista
Posted 1 year ago

جيبوها ياولاد كلنا معاكم اليوم ربي ينصركم 🇲🇦❤️

10K - 241

رحاليستا Rahalista
Posted 3 years ago

اوكي كانت مقابلة مختلفة 👌

1K - 39

رحاليستا Rahalista
Posted 3 years ago

مبارك نصر غزة أمس. عاشت فلسطين دائماً وأبداً. هذا أولاً.
أما ثانياً ,, منورين يافاميليا على دعمكم المستمر والي لاحظته بزيادة الفترة هذي.
جدول الفيديوات كل جمعة لكن مرة مرة (زي المرة هذي مثلا) الفيديو ينزل السبت بسبب طول المونتاج.
الصورة تغششكم الفيديو من أين بلاد :D

7.4K - 359

رحاليستا Rahalista
Posted 3 years ago

الكلام الجاي مهم ! خلال اكثر من ثلاث سنوات كاملات من الترحال وتصوير ثقافات الشعوب حول العالم في دول منها الاسيوية و اللاتينية والافريقية، كنت متشوق لتصوير بلادي ولكن ماكنتش حاس ان الوقت المناسب جا مازال ، لان الطريقة الي نصور بيها عفوية في الشوارع وندخل في الناس من غير تردد ونتفاعل معاهم والشي هذا مش ساهل تنفيذه، لو تصور في فترة غير مناسبة مش حتطلع بلادي بالشكل الي انا نبي نوريه للعالم.

خلال رحلتي حول العالم كنت رافع راسي اني ليبي ونقول فيها بفخر لأي حذ يسألني من وين انت ، نجاوبك وكلي عز انا من ليبيا، لكن الصدمة الي جتني وتعودت عليها مع الوقت هي ان رد فعل الناس ، شنو ليبيا ؟
حتستغرب ان في ناس حول العالم مايعرفونش... ايوا زي مانقولك، في المكسيك وكولومبيا وكامبوديا ونيبال اغلب الناس مايعرفوش ليبيا ... في الدول الافريقية لما تقول ليبيا حيردو عليك "نفط" !
وفي الدول الاوروبية لما تقول انك من ليبيا حيقولولك "اهلك بخير ؟ انت محظوظ انك طلعت!"... وفي الدول العربية غالباً حيرحبو بيك لان يعرفو ليبيا ارض الفرسان والكرم والجود ، بس للاسف مايعرفوش عنا الا الاخبار الي يشوفو فيها في الاعلام.

المواقف هذي كلها زادت فيا الرغبة نصور بلادي بعدستي بالطريقة الي نحن الليبيين نحبو نقدمو بيها نفسنا وبلادنا للعالم وكنت متشوق للحظة هذي الي جت توا !

العالم يعرف عنا القليل لكن نحن لدينا الكثير !

الجمعة الجاية باذن الله 2/ابريل حتشوفو اول ڤيديو من سلسلة حلقات ليبيا عليوتيوب ، بالاضافة لصور وستوريات وڤيديوات قصيرة خاصة بالانستغرام.

5.9K - 566

رحاليستا Rahalista
Posted 3 years ago

‏سمعت بجزيرة "الدمى المسكونة" في المكسيك؟
‏تخيل أكثر من 250 دمية لهن عشرات السنوات ... وأهل المنطقة عايشين في رعب
الڤيديو الجديد نزل ، فاميليا!!!

2.4K - 52

رحاليستا Rahalista
Posted 4 years ago

فاميليا !! معاكم رحاليستا .. عندنا خبر مهم. بدينا مبادرة منا لدعم من يرغب في إحتراف صناعة المحتوى. سنختار مجموعة ندربهم ونشاركهم خبرتنا مجاناً من أجل دعم صناعة المحتوى في العالم العربي. تفرج على الفيديو لمعرفة التفاصيل وطريقة التسجيل.