in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
入場睇波找數黎講,再一次多謝大家支持小弟入晏菲路睇波拍片,由於入場拍片有各樣唔同版權問題,而我想盡量回饋各位,保持原片同較多分鐘俾大家睇,所以今次條找數片放左係我新開嘅個人channel度,由於有板權問題,youtube已經下架左我兩次,而家呢條係仲可以上到片嘅版本。
未來呢條個人channel應該會主力放入場片,個人旅遊同食買玩生活片,有興趣嘅朋友不妨訂閱埋,等我有動力去拍片🙈🤡
Adonis
雖然條片遲左個幾星期,請先笑納晏菲路入場片:
Liverpool come back win Luton!!! What a game!!! 利物浦逆轉勝盧頓!!! 好熱血啊!!!
https://youtu.be/GU7zJEhz6mM
19 - 0
一般channel都會慶祝齊頭數,鑑於我地其中一位台柱Tommy大哥疑似對呢組數字有特別嘅愛,係節目中都不經意傾瀉,我決定出post賀一賀港英講英不經不覺已經4999左😜
雖然係剛剛過去一周年回水直播中已經感謝過重課朋友,同各位大大嘅支持🙇🏼♂️
我係度再次由心感激所有睇過我地嘅片/相,留言支持/大罵/抽水/單打我地嘅觀眾,仲有曾經隔住個mon叫過回水嘅朋友,不論你地人在邊度,我地都係三個字「在心中」🙇🏼♂️🙇🏼♂️🙇🏼♂️
#忽然一周年 #敏感數字 #無言感激 #在心中 #不專業評論 #港英講英 #吹水 #兩個麻甩佬 #無言感激 #bno移民 #利物浦市民 #香港人在英國 #香港人加油 #講波經 #講移民
73 - 21
多謝各位支持🙇🏼♂️🙇🏼♂️
英國時間2023年5月11日
3000個subscribers,紀錄一下。
我地會繼續努力💪
記得like埋我地facebook page:
www.facebook.com/kongengspeech
54 - 4
呢場直播live係港英講英咁多次以來做得最順利既一次,特別係個版面,之前一直唔多識整個計時,尋晚花左D時間上網爬文,成就又解鎖,仲整埋個靚靚scoreboard,靚晒。
仲有留言區,今次唔用透明地,大家留言睇得清清楚楚
最最最重要係有位朋友課金支持,雖然佢係為左羞辱Adonis既垃圾利輸波所以課金既,但我鍾意
Tommy
39 - 4
尋日同Adonis傾開《港英講英》既發展方向,睇到Channel係有增長,但可以做得更好。
我地條Channel有兩個節目,一個係『講波經』,一個係『講移民』。因為小弟以前有做YouTube足球節目,積累左一班網友支持,所以『講波經』叫做有少少基礎,因此『講波經』既成長相對『講移民』係比較好,當然移民片少係一個原因。
講波片有一個時限性,週期性短,無人會睇番上週回顧,節目要出得快,始終過左就無人睇。好多節目內容都想做,比如英超冬季轉會窗總結,一D新球員加盟既睇法等等,但我同Adonis都有工作同要照顧家庭,一個星期只能抽幾個鐘做節目,包括節目前後的所有準備,因此放棄左一D節目內容同想法,無理由過左成個星期仲講番上星期既野架,就係咁。
而『講移民』係我地好想做好既內容,因為我地覺得移民既資訊分享可以幫到香港人,其二是時效性強,但我地又要扮清高,唔想講D你知我知單眼佬都知既Topic,或者好多KOL都講過既內容,唔想嘩眾取寵,想貼地去做,所以到呢刻我地都覺得無條移民片拎得出來見人。(自我羞愧ing中)
我地曾經討論過開會員給支持者課金,讓『港英講英』能走更遠既路,因為Channel很難一直靠熱誠同滿足感走落去,就如當年小弟做『阿仙奴球迷天地』和『兵工廠世界』一樣。
但正如我所講『我地又要扮清高』(其實係面皮薄),覺得自己憑咩要人課金,比到D咩網友先?所以我地比左自己一個目標,如果達到左呢個成就解鎖,有番少少底氣,面皮厚番少少,到時先再考慮!
來緊我地希望『講波經』可以做得順暢D,做好每週既英超回顧,吸納更多層面既球迷,唔只阿記同利迷,希望有更多不同球迷同我地一齊討論,無論讚好定批評都一一感謝,因為你地每一句話都會令我地做得更好!此外來緊我地會開通更多既溝通渠道,包括Live既節目同大家齊齊講波經,希望『講波經』可以做到一個球迷大家庭!
而『講移民』我地仍然會以第一身既感受,更貼地地講生活,講資訊,講移民生活既喜與悲,我地承諾會放番多D時間係『講移民』身上,不負因為移民片Subscribe我地既朋友!
好喇,channel成立半年有感廢up就講到呢到!下次有感再同大家分享(笑)
Tommy
73 - 4
利物浦球迷與阿仙奴球迷在英國利物浦相遇,不一樣的背景,不一樣的人生,以相似的原因,相同的理念離開原居地,兩個男人激烈講波講生活,英國香港人講英國!
節目特色以不專業、收音差、畫面濛為主軸,配以抽水、唔夾、鬧交式評論形成港英講英!
節目糸列:
講波經:主打講英超,主力支持阿仙奴及利物浦,阿迷Tommy與利迷Adonis對英超作出不專業評論,請談抽水講波經!
講移民:講移民資訊,心路分享,朋友訪談,笑談英國大小事,當然唔少得認識利物浦啦!
導賞團:利物浦分區介紹,一齊遊覧英國不同地方
講生活:移民英國平時有乜做? 生活上有乜興趣? Tommy同Adonis同你私心分享!
23/09/2023: 5,000 Subscribers Achieved
02/02/2024: 10,000 Subscribers Achieved