یہ حقیقت اہل بصیرت پر مخفی نہیں کہ مشائخ کرام کے حالات و مقالات اور ملفوظات و معمولات بلاشبہ علم عمل کی روح دنیا و آخرت کے لئے رہبر خلوت کدہ کیلئے مونس و غمزدہ کیلئے انیس ؛ دینی و دنیاوی مشکلات کے لئے بہترین حل ؛نور ایمان کو بڑھانے والے اور قلب میں قوت پیدا کرنے والے ہیں۔ان بزرگان دین اور سلف صالحین کے احوال و اقوال مبتدیوں کیلئے اشتیاق و ترغیب کے باعث بنتے ہیں اور منتہیوں کے لئے دستور حیات اور سند کی حیثیت رکھتے ہیں ۔ان اسلاف کرام کے أثار و نقوش کے سننے اور دیکھنے سے بسا اوقات اخلاف کے خوابیدہ جذبات بیدار ہو جاتے ہیں اور راہ پر لگ جاتے ہیں
(یعنی دوست کا کلام خود اس کی زبان سے سننا تو بہت ہی خوب ہوتا ہے لیکن اگر یہ میسر نہ ہو تو جس نے اس سے سنا اس سے سننا بھی خالی از نفع نہیں ہے