@Naya_FM

1 year ago

السلام عليكم أنا امرأة مخطئة وبعرف هالشي ونادمة اشد الندم ومافي شي يبررلي خطئي هذا، أنا تزوجت حبيبي بعد حب سنتين وصارلنا متزوجين تقريباً ٤سنين وهو رجل محترم و إلو مكانته ضمن عيلته وضمن عمله وأصدقاءه الجميع يحترمه ويقدره وناجح في عمله وبنى نفسه بنفسه منذ الصغر كان يعمل ويؤسس حياته حبينا بعضنا سنتين و كان صادق وشهم تزوجني وجبنا بنت مثل القمر ومابعرف بعدها شو صار حسيت بإهماله لي وتراجع بالاهتمام والحقيقة انه كان مبلش بمشروع جديد لحتى يحسن مستوانا المادي أكثر لحتى ما ينقص على بنتنا اي شي يعني ماعدنا نطلع مع بعض كتير ومانقعد كتير بسبب انشغاله الدائم بالمشروع وفجأة اجتني رسالة من حبيبي القديم كنت أحبه قبل زوجي كان عم يتطمن على وضعي ووين صارت ايامي ولأني كنت حاسة بالملل رديت عليه وليتني مارديت جاوبته قلتله الأمور طيبة واني متزوجة وصار عندي بنت تاني يوم كمان راسلني وصار يكلمني بشكل يومي وأنا اتجاوب معه ونحكي بالساعات ومابعرف كيف ارسلت له صوري وكنت مفكرة انه عادي مجرد صور عادية مع اني قبل الزواج ماعملت هيك ولا بحياتي ارسلت له صور وتندمت كتير وانقهرت من حالي وتبت إلى الله سبحانه وتعالى وقررت اقطع علاقتي معه ولكنه هددني انه راح يرسل الصور لزوجي كان بيعرف مين هو زوجي عن طريق الفيسبوك ترجيته انه يمسح الصور ويبعد عني ولكنه ظل يهددني يتمادى اكثر ويطلب صور اكثر و ارسلتله المزيد من الصور وماعرفت شو العمل معه خفت يبتزني اكثر فحكيت لأختي الكبيرة كل شيء بهدلتني وشتمتني وقالت لي مافي غير حل واحد انك تعترفي لزوجك بكلشي وتتوقفي عن خيانته وفعلاً بعد صراع مع نفسي وتردد اخبرت زوجي بكلشي وماصق الشي يلي كان عم يسمعه ولسانه انربط وغمض عيونه وصار لونه اصفر وهي اول مرة بشوفه مكسور هالكسرة ادركت وقتها قديش هو غالي عندي وقديش بحبه وما بيستاهل مني خيانته فهمت انه بعده عني مو ذنب اعاقبه عليه بالخيانة والخسران والغدر وهو غافل هو كان بعيد عم يتعب مشاني انا وبنتي ترك البيت مدة عشرين يوم كان يرسل مصاريف البيت من دون مايجي أبداً وبعدين فجأة اتصل بي وطلب معلومات عن الشب يلي كنت احكي معه وعطبته كل المعلومات يلي بعرفها عنه وبعد فترة عرفت انه زوجي راح لعند هذا الشاب على بيته وأخبره انه بيعرف كل شيء وأخبر زوجته بطبيعة العلاقة بينه وبيني وهدده بإنه اذا ما حذف الصور رح يبلغ عنه المباحث الإلكترونية وعرفت كمان بعد فترة انه هذا الشاب تطلق من زوجته بعد ما تم فضحه امامها وبعدما انحل موضوعي مع هذا الشاب حاولت اتكلم مع زوجي وماكنت بعرف وين ساكن واتصلت بصديقه وترجيته يدلني على مكانه وصديقه اتصل فيه وهو وافق يقابلني ورحت لعنده وقديش كان مؤلم لما ماكان عنده قدرة حتى ينظر في وجهي ولا حتى نظرة وحدة وانا عم احكي معه كان متماسك بس انا حسيت بألمه وجرحه وطعنة الغدر مني له حكيت معه كتير اني ما كنت قاصده اجرحه وإنه ما اخطأ في حقي ولا قصر معي بشيء ولكنه قالي انه مابيقدر يسامحني وإنه رح يتركني على ذمته من أجل الطفلة وإنه متى ما اردت الطلاق رح يطلقني طلبت منه السماح قالي مابيقدر يسامحني وإنه شرعاً مابيجوز مسامحة الزوجة الخائنة انا مابعرف ليش حكى هيك وهل حقاً انه شرعاً لايجوز مسامحة الزوجة الخائنة؟ طيب مو ربنا سبحانه وتعالى يحضنا على التسامح ليش رافض رفض قاطع انه يسامحني مابعرف؟

13 |