December 8, 2023
Dear Ate Flor, Ate Jean ug Ate Wil,

Una sa tanan mgangayo ko ug katahuran sa tanan nga naminaw karon ug nagtan aw sa inyong programa mga ate. Usa ako sa inyong suking tigpaminaw kay malingaw kong mamati sa inyo mga ate labina sa mga kaagi nga inyong basahon nga maka relate ko, ug akong napamalandongan ang akong mga nabuhat nga sala mga ate.

Ako si Perla, 68 anyos, bulag ug nagpuyo ko uban sa akong apo nga wala nay ginikanan mga ate. Akong isaysay ang akong nasinatian sa kinabuhi mga ate.

Walo me ka managsuon mga ate sa pamilya. Akong ginikanan dili man malisoron sa kahimtang pero sa ilang pagka higpit namong mga anak nga babaye ang amo rang kamanhoran ang nakahuman kay kaming 5 nga mga magulang nangamenyo ug sayo. Namenyo ko sa edad nga 19 anyos ug ang akong bana 21 anyos. Ma diskarte ang akong bana sa panginabuhian maong medyo na kuartahan gyod me mga ate. Nakapondar me ug nausab ang dagan sa akong kinabuhi. Aduna koy katabang ug bantay sa akong mga anak. Upat akong anak mga ate ug ang ilang bantay ako rang mga paryente. Sa naa na nako tanan, wala ko kamatikod nga nausab na pod akong kinaiya. Ang akong mga igsoon nga mohangyo sa akoa sa ilang gininahanglan mohatag man gani ko pero mapakapinan nako ug estorya. Nga sa akoa morag baliwala lang sa akoa pero nakapasakit na diay ko nila mga Ate. Sultian ko sa akong inahan kay mosumbong man sa iyaha akong mga igsoon ug masuko sab ko mga ate. Sultian ko sa akong mama pero dili ko mamati sa iyaha ug ang dili nako malimtan nga mga linya mao"Ang kahiubos sa akong mga igsoon sangko sa langit" ayaw palabi ug lupad sa taas kay kon mabali imong pako di naka makalupad ug mobalik ka sa pagkamang. Gihilakan ka sa imong mga igsoon. Wala ra dangti ug mga 3 ka tuig nasunog among balay mga ate nga wala gyoy among napunit apil ang among tinigom nga kuarta kay di man mosugot akong bana ibutang sa bangko kay basin daw ma close. Balik me sa uno mga ate, nag loan me ug among gi puhonan pag utro sa laing lungsod apan nasunog gihapon mga ate ug nakuha pa sa bangko among collateral kay wala na me nakabakwi. Lisod na kaayo me ug ang akong bana mibiya sa amoa kay manimpalad sa laing nasod apan wala na mibalik hangtod karon. Sige ko pangayo sa akong ginikanan. Mohatag man gani mga ate pero naay mga estorya nga moingon "gipa eskrementar naka sa imong mga sala"pangayo ug pasaylo sa imong mga igsoon ug sa ka taas sa akong garbo wala ko mangayo ug pasaylo kay naa sa akong hunahuna nga wala koy sala nila. Karon mga ate nga wala na akong ginikanan ug uban nakong mga igsoon akong mahunahuna ang tanan nilang gipanulti nako. Na karma kaha ko mga ate?

Ang nag sulat,

Perla
Plhug tugtog sa kanta nga "Sayo lamang" by Jaime Rivera