open dyslexic mode

وزیراعلٰی پنجاب مریم نواز کا خواب ستھرا پنجاب تعبیر کے مراحل میں

عیدالاضحیٰ 2025کےموقع پرمثالی کارکردگی پر گرین ہیروز کو وزیرِاعلیٰ پنجاب کی جانب سے خراجِ تحسین

ڈسٹرکٹ ایڈمنشٹریشن گجرات، جی ڈبلیو ایم سی اور آرار انوویشنز کے مشترکہ تعاون سے تقریبِ حسنِ کار کردگی کا انعقاد کیا گیا

صفائی ورکرز میں 10،10 ہزار روپے کے کیش انعامات تقسیم

وزیراعلیٰ پنجاب محترمہ مریم نواز شریف کے ’’ستھرا پنجاب‘‘ ویژن کے تحت عیدالاضحیٰ 2025 کے موقع پر ضلع گجرات میں آلائشوں کی بروقت صفائی، شہری علاقوں کی دھلائی اور واٹر اسپرے جیسے اقدامات کو مؤثر انداز میں انجام دینے پر صفائی عملے، سینیٹری سپروائزرز اور متعلقہ افسران کے اعزاز میں ضلعی سطح پر خصوصی تقریب کا انعقاد کیا گیا۔تقریب میں رکن صوبائی اسمبلی خالد اصغر گھرال، ایڈیشنل ڈپٹی کمشنر ریونیو خضر حیات بھٹی، چیئرمین گجرات ویسٹ مینجمنٹ اتھارٹی علی ابرار جوڑا، اسسٹنٹ کمشنر گجرات بلال زبیر اور سی او میونسپل کارپوریشن و کمیٹیز نے گجرات اور کھاریاں کے مختلف علاقوں سے تعلق رکھنے والے صفائی کارکنان میں تعریفی شیلڈز، اعزازی میڈلز اور کیش انعامات تقسیم کیے۔افسران نے خطاب کرتے ہوئے کہا کہ عیدالاضحیٰ کے تینوں ایام میں ضلعی حکومت کی مربوط حکمتِ عملی اور عملے کی دن رات محنت سے ضلع گجرات میں صفائی کی مثال قائم کی گئی۔ وزیراعلیٰ پنجاب کی ہدایات پر بہترین کارکردگی کے حامل سینیٹری سپروائزرز کے لیے خصوصی انعامات بھی جاری کیے جا رہے ہیں۔تقریب میں شریک افسران اور ادارہ جاتی نمائندگان نے اس کامیاب صفائی آپریشن پر تمام محکموں اور عملے کو سراہا اور کہا کہ یہی جذبہ اور اجتماعی محنت ضلع گجرات کو پنجاب کا مثالی اور ماڈل ضلع بنانے میں سنگِ میل ثابت ہو گی۔