സുവർണോദ്യാനം,
നമ്മുടെ Cial എയർപോർട്ട് സിറ്റിയിൽ ഫ്ലൈ ഓവർ കഴിഞ്ഞു ഗോൾഫ് ക്ലബ് നോട് ചേർന്ന് ഒരു കൊടും കാടുണ്ട് എന്ന് പറഞ്ഞാൽ ആരെങ്കിലും വിശ്വസിക്കോ.
എന്നാ അവിടെ forest ന് കുറച്ചു സ്ഥലോണ്ട് , അവിടെ ഒരു സൂപ്പർ ഇക്കോ ഫ്രണ്ട്‌ലി പാർക്കും ഉണ്ട് .
കൗണ്ടറിൽ നിന്നും ടിക്കറ്റ് എടുത്തു ആദ്യം കൊടും കാട്ടിലെ ബോട്ടണിക്കൽ ഗാർഡൻ കാണാം , കുട്ടികൾക്കു ഒക്കെ നേച്ചർ സ്റ്റഡി നടത്താൻ പറ്റിയ ഒരിടം .
അതിലെ ഇങ്ങനെ നടക്കുമ്പോൾ തന്നെ ഒരു തിക്ക് ഫോറെസ്റ്റിൽ കൂടെ നടക്കണ ഫീൽ ആണ്.
കാവും കുളവും ഒക്കെ ആയി നേച്ചർ ഫ്രണ്ട്‌ലി ആയിട്ടുള്ള സ്ഥലം , ഇടക്ക് വിശ്രമിക്കാൻ ചെറിയ ബാംബു hut ഒക്കെ ഉണ്ടുട്ടോ .
അങ്ങനെ വന്യമൃഗങ്ങൾ ഉണ്ടോ ഇതിൽ എന്ന്പേടിച്ചു നടക്കുമ്പോൾ സൈഡിലെ ഹൈവേയിലൂടെ ചീറിപ്പാഞ്ഞു പോകുന്ന വണ്ടികൾ കാണുമ്പോഴാണ് നമ്മൾ ഒരു സിറ്റിയിലാണെന്ന് തിരിച്ചറിയാണത് .
അത് കഴിഞ്ഞു അവിടെ ഉള്ള മനോഹരമായ തടാക കരയിലേക്ക് പോകാം . കുട്ടികൾക്ക് കളിക്കാനുള്ള നല്ലൊരു പ്ലേയ് ഏരിയ അവിടെ ഉണ്ട് , ബോട്ടിംഗ് ഒക്കെ ഉണ്ടായിരുന്നു ഇപ്പൊ അത് ആക്റ്റീവ് ആയി തോന്നിയില്ല . പിന്നെ ഒരു കഫറ്റീരിയ ഉണ്ട് ഇവിടെ , ചുമ്മാ കുശലം പറഞ്ഞിരിക്കാനും പറ്റിയ ഇടം , ഒരുപാടു വെറൈറ്റി മുള ഇനങ്ങളും സസ്യജാലങ്ങളും കൊണ്ട് സമ്പുഷ്ടമാണിവിടം .
ഇതൊന്നും പോരാഞ്ഞിട്ട് ചെറിയൊരു പാർട്ടിയോ മീറ്റിങ് ഒക്കെ നടത്താൻ പറ്റിയ ഒരു ഇക്കോ ഫ്രണ്ട്‌ലി മിനി ഹാൾ അടക്കം ഇവിടെ റെഡി .