@Naya_FM

1 year ago

انا شاب عمري ١٧ سنة وعندي اخ واخت اصغر مني توفى ابي من سنة بسبب المرض وترملت امي وهي بالكاد ٣٣سنة هي أصلاً متزوجة صغيرة كتير وهي جميلة جداً اي شخص يشوفها يفكر انها اختي من جمالها وتبان صغيرة بأول العشرينات انا كنت متعلق بأبي الله يرحمه بشكل كبير وأحبه حب لايوصف وكانت علاقته مع امي مثل روميو وجولييت يعشقون بعضهم عشق كبير مضت مدة على وفاة أبي وتأقلمنا على عدم وجوده معنا وكملنا حياتنا لحتى بيوم من الأيام شفت امي لابسة ملون احمر واصفر وحاطة مكياج ولابسة كعب ولبست عباءتها وجاءت خالتي لعندنا وراحت هي وأمي غابوا كم ساعة ورجعوا ومعهن غراض كتير راحت امي للمطبخ وانا صرت فتش بالغراض طلعوا كلهن اواعي داخلية وعطورات ومكياجات ولباس عرايس بعدين عرفت ان العروس هي امي والعريس هو عمي اخو ابي يلي كان مسافر ورجع مشان يتزوج امي عأساس مشان يحافظ علينا آخر شي توقعته انه امي تنسى ابي بهالسرعة وتتزوج بعد وفاته بسنة ومن مين من اخوه!!! كيف الها نفس تلمس اخوه كيف نسيت ابي بهالسرعة بعد كل الحب يلي كان يحبها اياه؟؟ ماتحملت شوف عمي مكان ابي وبعد عرسهم بيومين تركت البيت ورحت سكنت عند خالي بالمزرعة وبعد اسبوع رجعت بس مابحكي معهن هن الاتنين امي وعمي أبداً لا بحكي معهن ولا برد عليهن اذا حكوا معي وحاول عمي كتير يستميلني ويخليني احبه حتى قالي ياعمو انسى اني عمك رح اسألك سؤال أنا مو منيح معكن؟ مو بعمري ما ازعجتكن؟ ليش ما بتعطيني فرصة نتقرب من بعضنا و إن شاء الله ما بتكون غير رضيان وشو بيلزمك حبيبي انا جاهز كلي فداك قلتله مابدي منك شي ولا منها وللأمانة هو فعلاً كان كتير كويس معنا ولكني ماقدرت اتقبله مكان ابي ولا قدرت اسامح امي خاصة لما صباحية عرسها اجو جاراتنا ورفقاتها يباركولها وكان ضحكهم وأصواتهم لبرى وأنا عم اسمع كلشي كانوا يتضحكوا و يسألوها مين أحسن هذا وألا هذاك؟ قالت لهم لأ هذا أحسن هذا أداؤه أفضل ونفرت من أمي من يومها وكرهت شوفتها هي وعمي وكرهت البيت كله لأنهم فيه ولا عم بقدر اسامحها او ارجع احبها مثل قبل لأنها بنظري خاينة ومقرفة

185 |