@amj6598

2 months ago

لست قطرية بس هذا الشيخ فخر قطر مهما حاول غيره يقلده ما يلوق ويطلع منهم التواضع مفتعل تواضعه عادي حقيقي وتبقى فيه هيبة الشيوخ رغم بساطة الحركات. تحسه شباب و تعليم اجنبي ولغات وفجأة اشوف تصرفاته شايب قبلي تنزل على حكمه القبايل. يركض يسلم على معلمه السابق تاركا التصوير بكل براءة ولما تم الحصار الخليجي عليه كان واثق قوي ورصانة الدنيا فيه قال كلام لله فيه رضى ولشعبه سند وظهر وأمان مو كلام مرسل غير سياسي. وجه سمح ساكت صامت وابتسامة لطيفة كانه عمره مئة سنة ما تسمع صوته وايد كباقي الحكام الشباب هذرة ما تخلص بس افعاله تتكلم بهدوء وبقوة. قالوا كلهم ماراح يصير عنده بطولات ما يقدر ومعزول والناس تتحداه وتقرقر وصار وبشكل اسلامي فرضه فرض غصبا عن شواربكم وهو صامت ويروحون بسرعة بعده ويقلدونه ويشترون ويدفعون لاسماء كبيرة يمكن اكثر منه ويحاولون واحنا واحنا ثم ما شفنا الا زوجات اللاعبين شنو موديلها وصمت الأفعال. السالفة مو فلوس ولا رؤية بالغاء الهوية السالفة قلب وفكر غير تابع. شخص يوظف الأموال مو الأموال توظفه. اذا احتاج المال يتصرف للتطوير ما يقول لشعبه عطوني. الرجال مو كثرة المال بل طيب الفعال. تعرف الشعب لما يخاف ولما يحب يفرق وايد لما يطمن ان الحاكم ثقيل تصرفاته موزونة يزينا ما يفشلنا. ما نضطر ندافع عنه ونرقع له اهو الي يرقع لنا ويدافع عنا احساس السند حلو جدا للشعوب. الحكام ما فيهم ملائكة بس ثغرات عن بلاوي سودا تفرق والحاكم المريح لا شعبه ولا غيرهم يري ثغراته. ما يحتاج بوزات وصور ويسمتونه بالبشت ونظرة الصقر المعصب لقطة وحدة عفوية بدون بشت تطلعه شيخ ولد شيوخ. احسه صباح وزير خارجية الخليج والمتحدث الرسمي المحنك بس على شباب فيه روح قديمة حكيمة. لما تكون بلد محسودة ومحاصرة وصغيرة لكن لما صارت غزة مثلا التفت العالم له وتجاهل كبار الخليج مضمونين لكن الكل ينتظر موقفه ودوره وتسمع الحل القطري او المحاولة القطرية فقط بكل أزمة لا اقول نجحت ام فشلت بس مترقبها الكل عالميا مو اباجورة هذه الدولة الصغيرة هو حاله حال الباجي طبع او لم يطبع لكن ما تشمت وبالظهر فرحا فيهم احترم الشعب الفلسطيني بقمة الإحترام ما اهانهم ودافع عن حقهم بالمقاومة باسلوب لا يشبه باقي الحكام العرب السوقي المتذلل. وكلام موزون مو كل وزير سياحة وكل مسؤول اعلامي أو ممثل يقول من راسه وعلى كيفه كان ما في كبير هناك موقف واحد للدولة سياسي مو كلام سوقة وعوام. عسى عيني باردة عليه روح يمه عسى عيني ما تبجيك والله يحفظه لشعبه ولأميمته ويطول بعمره ويرزقه ويزيده من نعيمه دنيا وآخرة.

2 |