@Naya_FM

1 year ago

نحن نسكن في حارة متطرفة مسافة بسيطة جداً عن بلدتنا وكان بجانبنا بيت اهله مسافرين وتركوا لنا مهمة تأجيره في غيابهم ومن سنين أجرناه لجماعة غريبين عائلة رجل وزوجته واولادهم اطفال صغار بعد مدة من سكنهم فيه صرنا نلاحظ على المرأة حركات سيئة طلعاتها كثيرة واسلوبها بالكلام مايع ولما سألنا عليهم عرفنا انها لها مسموعات سيئة من لما كانت بنت في بيت اهلها وأنه زوجها هو ابن خالها وقد تزوجها ليستر عليها.... وكانت في غياب زوجها كان احد جيرانا متزوج و يتردد عليها وحتى اننا كنا نسمع ضحكهم واصل لبرا وكان أحياناً يحضر ابنه فتى صغير يجلس عند اولادها ويروح هو وياها بالسيارة يغيبوا مدة ساعات ويرجعون قبل موعد رجوع زوجها وعدة مرات زوجي سأل جارنا اذا كان فيه علاقة بينه وبينها ولكنه كان ينكر ويقول كنت آخذها على مشفى او الطبيب او بدها تروح السوق او او ومن هذه الحجج وكبرت سالفة هذه المرأة مع جارنا كثيراً صارت الناس تتكلم عليهم لأنه دايماً يشوفوها معاه بسيارته حتى انه مرته صارت تتقاتل معه مشانها فضحت سيرتهم بكل مكان انه جوزها عشقان هذه المرأة المتزوجة وانه عم يسيء معاملتها بسببها كان جارنا المستأجر من نوع الرجال مسكين وضعيف شخصية حتى بعض الناس لمحوله بالكلام انه ينتبه لزوجته من علاقتها مع جاره ولكنه ما ابدى اي ردة فعل وكان يغيب عن البيت لأيام كثيرة... و ليوم من الأيام اجتني جارتنا عم تبكي ومقهورة وطلبت مني ادبر لها رقم اي شخص من اهل جارتي المستأجرة وقالت لي انه بيتها رح ينخرب بسببها وترجتني اساعدها مشان تتخلص منها وتبعدها عن زوجها بس انا قلتلها صعب مافيني اعمل هيك شي بخاف تورطينا شي ورطة قالت بترجاكي جيبيلي رقم امها او اختها بس رح احكي معهم واهددهم مشان يخلوها تبعد عن زوجي قلتلها طيب هذا بيتها قدامك روحي انتي وبهدليها وهدديها وخليها تبعد عن جوزك قالت مافيني بخاف تقلو عني ويمكن يطلقني لو عرف اني جيتها وبهدلتها.. واقنعتني ووافقت اجيبلها الرقم ورحت لعند جارتنا وشربنا قهوة وقلتلها اذا في مجال عطيني رقم اختك بالبلد بدي احكي معها اسألها عن القماش هناك والعبايات قالت تكرم عينك وعطتني الرقم وياريتها ماعطتني اياه اخذت الرقم وعطيتو لجارتي التانية وبعد اسبوع اجتني جارتنا المستأجرة عطتني مفتاح البيت وقالت انتبهي للبيت وللوردات بغيابي اسقيهم وديري بالك عالبيت لبينما اجي قلت ليش وين رايحة انتي والولاد قالت رايحة عند اهلي اختي رح تتزوج ورايحة احضر عرسها... والله قبطني قلبي كتير مابعرف ليش بس سكتت وقلتلها تروحي وترجعي بالسلامة وراحت عالبلد الكبير لعند اهلها وطولت كتير ما رجعت تقريباً شي اسبوعين ما شفناها ولا شفنا جوزها بعدين عرفنا انه اخوها أخذها معه بالسيارة بعيد عن البلد ورجعها عالبيت ميتة وقال لأهله اجتها جلطة بالطريق وماتت ولما فحصوها منيح طلعت رقبتها مقروفة يعني اخوها طق رقبتها وقتلها وقال لأهله انها عايبة وبتستاهل وأهله واقرباؤه لفلفوا الموضوع ودفنوها بسرعة لحتى ماينفضحوا او ابنهم يفوت السجن بس الناس كلها عرفت انها انقتلت قتل ومحدا حكا شي او اتدخل اقسم بالله بكيت عليها ويعلم الله قديش زعلت خاصة بعدما زوجها تزوج وجاب مرته الجديدة وسكنها بنفس البيت وطول الوقت بغيابه تضرب الولاد الصغار وتصرخ عليهم صح امهم كانت سيرتها سيئة بس كانت حنونة على اولادها ولامرة شفتها ضربتهم او صرخت عليهم طبعاً انا زعلت من جارتي الثانية كتير وقلتلها كيف بتخبري اهلها وتخليهم يقتلوها وتخليني اشيل خطيتها لأنو انا يلي عطيتك الرقم قالتلي انها بس حكت مع اختها وهددتها ولكن اهلها قتلوها لأن سمعتها بشكل عام سيئة وزوجها شخصيته ضعيفة ومو قدران عليها وهم غسلوا عارهم وتخلصوا منها ومن سواد الوجه بسببها... بس انا حسيتها كذابة.... وهلق هي صارلها كم سنة من انقتلت الله يرحمها بس انا ضميري أبداً مو مرتاح ودايماً بحس انه إلي ايد بمقتلها كانت جميلة وفي عز شبابها وتركت ولدين وبنتين كلهم صغار وطول الوقت معنفين من زوجة ابوهم... ويعني حتى لو كانت فعلاً سلوكها سيء كان ممكن يجي يوم وتندم وتتوب وترجع لطريق الصح بس انا وجارتي يمكن نحنا يلي قطعنا عليها الطريق من دون قصد حسبنا الله ونعم الوكيل ربي يغفرلنا ان كان لنا ايد في مقتلها لأني والله ضميري فعلاً من سنين يأنبني لأني بعيني ماشفت شي ولكن كان مجرد كلام في كلام من الناس

11 |