@user-fx6ym5cq7q

1 year ago

امور غيرت حياتي للافضل الحمدلله وان شاء الله بعد تغير حياتككم انتم بعد 1- ختم القرآن مرهه في الشهر تقرون 20 صفحه كل يوم وخلال شهر ان شاء الله وانتم خاتمينه وتذكروا ان الحرف الواحد بحسنه والحسنه بعشر امثالها ياالله قد ايش ربي كريم سبحانه و انتبهوا تتكاسلون عن قراءة القراءن وتصيرون هاجرينه والعياذ بالله لان انتم تجلسون على جوالاتكم ساعات طويله اعطوا نفسكم وقت مع القراءن وخلوهه مع ربي تدبرون فيها معانيه وحكمه بالايات . 2- صلاة الوتر طبعا فيه بعض الناس تصليها كصلاة الشفع والوتر الي نصليها في رمضان الي هي سورة الكافرون والاعلى مع الفاتحه (الشفع) والوتر سورة الاخلاص والفاتحه طبعا تقدرون تزيدون فيها وتقرون ماتيسر من القرءان بس تكون ركعتين وتسلمون وهكذا و توتيرون بعدها بركعه وحده قبل ماتنامون تصلونها يعني مثلا تبي تنام الساعه 1 او 11توض وصل ونام بتحس انك مبسوط وانت نايم ومرتاح باذن الله. 3- قراءة الاذكار و تحملون برنامج للذكر كل ساعه يذكركم بذكر معين فيه برنامج اسمه اذكار المسلم لونه اصفر ومكتوب عليه استغفر الله مرهه حلو وكل ساعه يطلعلك ذكر فا كذا بتكونون تذكرون ربي كل ساعه وحاولوا تكررون الذكر اكثر من مرهه وفيه بعد تطبيق اذكاري لونه اخضر مرهه حلو فيه جميع الاذكار الي تحتاجونها والقرءان كامل فيه مع التفسير و مرتب 4- صلاة الضحى يبدا توقتها من بعد شروق الشمس بربع ساعه الين قبل صلاة الظهر بربع ساعه تصلونها ركعتين او اكثر الي يريحكم و اهم شيء تكون مثنى يعني تصلونها ركعتين بس وتسلمون واذا بتكملون صلوا ركعتين وسلموا وهكذا واقرو ماتشاؤن من القرءان مع الفاتحه. 5- السنن الرواتب بعد كل فريضه نصليها وذكر عن الرسول عليه الصلاة والسلام انه من صلاها يوميا 12 ركعه وحافظ عليها بني له بيت في الجنه ان شاء الله. صلاة الظهر قبلها 4 وبعدها 2 و العصر مافيها سنن و المغرب بعدها 2 و العشاء بعدها 2 و الفجر قبله 2 مجموع عدد الركعات 12 ركعه اي صح وبقولكم معلومه مهمه انو اذا خلصتوا من الفريضه يعني مثلا صليتوا العشاء و بتصلون السنه الركعتين لازم تقومون من مكانهم وتستغفرون وتروجعون تصلونها عشان تفصلون السنن عن الفريضه وفيه معلومه ثانيه يمكن يجهلها بعضنا انه من السنه انو نقراء الفاتحه وماتيسر منها بالقراءن بالركعه الاولى والثانيه اما الثالثه والرابعه للعصر و العشاء والظهر والثالثه لصلاة المغرب نكتفي بالفاتحه لصلاة الفريضه لان السنن الرواتب تكون ركعتين ونسلم مانصليها اكثر من 2 ونكمل بعدها يعني مثلا سنة الظهر فيها 4 قبليه ونصليها 2 ونسلم وبعدها 2 وبعدها صلاة الظهر كامله 4 ركعات وبعدها ركعتين البعديه 6- الصدقه : سواء بمبلغ مالي او اطعام مسكين او كلمه حلوه او تحطون اكل و مويه للقطط او الطيور او صلة رحم وغيرها من امور كثير الحمدلله 7- الصيام صيام الايام البيض الي هي يوم 13 و 14 و 15 من كل شهر وصيام الاثنين والخميس من كل اسبوع 8- واخيرا قبل النوم حافظوا على سورة الملك لانها منجيه من عذاب القبر ان شاء الله احفظوها و شغلوها دايم قبل تنامون وبكذا ينتهي يومك وتحسون انكم انجزتوا بهاليوم شيء كويس وان شاء الله اجركم عند ربي عظيم وصلاتكم حافظوا عليها بوقتها وقولوا دايما اللهم ايقظني في احب الاوقات اليك ولاتنسون ترددون مع الاذان وبعدها تدعون بالي تبعون وان شاء الله ربي بيحققه لكم باذن الله . ولو تلاحظون الامور هذي ماتاخذ منككم وقت وعليكم بالستر ي بنات لاتغركم الحياهه الدنيا والاغاني حاولوا قد ماتقدرون تقللون تسمعونها و تحفظون القرءان لان القرءان بينفعنا بحياتنا و باخرتنا ان شاء الله اما الاغاني بتغرينا في هالدنيا ولا رح نستفيد منها شيء. و حاولوا قبل ماتنامون انكم تقرون الاستغفار وتسمعون سورة الملك وتتوضون عشان تنامون على اجر وطهارهه ان شاء الله وختاما صل على نبينا محمد عدد ماذكره الذاكرون وعدد ماغفل عنه الغافلون و على اله وصحبه اجمعين سبحان الله والحمدلله ولا إله إلا الله والله أكبر والله يهدينا يارب جميعا ويرزقنا حسن الخاتمه 🤍

61 |