@Naya_FM

1 year ago

نبذة عن خيانة الرجل وقسوة قلبه انا متزوجة عمري ٢٧سنة عندي بنتين وولد كان عمر ابني ٤سنوات لما فجأة أبوه داسه بالسيارة بالغلط اسعفناه للمشفى ولكن قدر الله وما شاء فعل ثاني يوم مات ابني فلذة كبدي وفوق حزني وألم قلبي صار زوجي واهله يلوموني ويحطوا الحق علي يقولي انتي ما انتبهتي للولد انتي مو أم لوكنتي ام كان ما اهملتي ابنك مسؤوليتك وأنا ابكي وقلبي محروق على ابني وما اكتفى زوجي بهالشي لحتى يعاقبني ويحرق قلبي اكثر اصر انه يدفن ابني عندي قدام البيت حاولت كل الناس يقنعوه يدفنه بالمقبرة ولكنه كان معند وحفر القبر ضمن الحوش بالحديقة امام البيت ودفن ابني عندي بالبيت لحتى يبقى قبره امام عيني وينحرق قلبي عليه صبح ومسا وكيفما تحركت بشوف قبر ابني....ماعدت اتحمل القهر واللوم من زوجي واخواته صرت اشك بحالي اني فعلاً انا السبب بموت ابني يا ريتني انتبهت له ياريتني شفته لما لحق ابوه صارمعي صداع وشقيقة من كتر الزعل والتفكير اخذتني امي لبيت اهلي لحتى ترتاح نفسيتي شوي قام لحقني لهناك وقال هاتي البنات وخليكي عندك امك ماعاد تلزميني قلت هات بناتي مابعطيهن قال ليش مشان تموتيهن مثل ما موتتي اخوهن قلت ليش انا يلي دعستو بالسيارة وألا انت قال الولد مات بسبب اهمالك انتي مو أم قلتله ليش مايكون الله عاقبك بخطية الناس يلي قصيتوهم وقتلتوهم ظلم انت وتنظيمك الظالم يلي مابتعرفوا الرحمة وما بتخافوا الله (هو كان منتسب لتنظيم بتوقع كلكم عرفتوه) قالي انتي طالقة وأخذ البنات وراح وبعد فترة رجعني لعصمته رجعت للبيت مشان بناتي وعشت ايام وليالي كلها قهر وألم و كوابيس كيفما تحركت بشوف قبر ابني وصلت لمرحلة صابتني هستيريا أحياناً بتخيل انه ابني عم يناديني وإنه عايش ولازم احفر القبر مشان اطلعه وبصير احفر التراب بإيدي وبعدين بصحى على حالي انه ابني ميت وخلص مارح يرجع اخذتني امي على مشايخ رقية شرعية وارتاحت نفسيتي شوي واستوعبت موت ابني وبدأت اتأقلم شوي مع قبره يلي امام عيني بكل لحظة ولكن زوجي مازال مصر اني السبب بموته ودايما يرمي علي كلام يسممني ونظرات كلها كره واحتقار ورجع يتقرب مني بالليل وأنا كأني جثة هامدة وبالنهار ولا كأني موجودة تمنيت لو اسمع منه كلمة تواسيني تمنيت لو يطبطب علي بدل مايحط اللوم علي ويحملني سبب موت ابني تمنيت يحس شوي بحرقة قلبي بروحي يلي عم تذوب يوم ورا يوم ولكن الظاهر انو امنياتي كبيرة جداً... بعد وفاة ابني بأربع شهور زوجي خطب وتزوج علي جابلي ضرة اصغر مني وسكنها معي ببيتي وقالي ماإلك عندي قسمة تحبي تقعدي عند بناتك اهلا وسهلا ماحبيتي الباب يفوت جمل اتركي بناتي وروحي لأهلك وصار ٤ سنين هاجرني هجر كامل كزوجة يعني ما إلي حق مبيت عنده مثل ضرتي إلي بس مصروف البيت والنفقة وممنوع ازور اهلي غير بالعيدين... ضرتي صار عندها ولدين وأنا صرت مثل الشجرة اليابسة طلبت منه قلتله بدي جيب ولد قال لي انسي انتي مو خرج تكوني أم مابيلبقلك تكوني أم.. انا اكره زوجي بس عندي رغبة كبيرة اجيب ولد يعوضني... هذه قصتي ولا حدا يقول لي تطلقي وروحي لأهلك لأن امي توفت الله يرحمها وأخواتي كل واحد متزوج و مشغول بعيلته وصدقوني الأخ بعدما يتزوج بصير أخو مرته وبس وما فيني اترك بناتي ولا اروح وآخذهم معي لأن ابوهم مارح يعطيني اياهم وهما هالبنتين يلي طلعت فيهم من هالدنيا أنا مو ضعيفة شخصية ولكني ماعادت تفرق معي الحياة

230 |