ආදරණීය අම්මා

මා නමින් උපන් සෙනෙහස කිසිදාක අඩු නැතිව නොවෙනස්ව මා නමින් පුද දුන්නෙ ඒ ඔබම පමණයි..
ඔබේ ගුණ සුවද ලග මේ ගුණ වැයුම මගේ අම්මාට මෙන් සියලු මව් වරුන්ට උපහාරයක් වේවා......

ගායනය - හරිද්‍රා උමයන්ති
පද රචනය - චානකී කුමාරි

දස මස කුස හොවා ලේ කිරිකර පොවලා
ඇසසේ බලාගෙන දිව රෑ ළඟ ඉඳලා
තුරුලේ තියාගෙන සුරතල් කර සිබලා
පනසේ රැක්කා මා නිරතුරු මගේ අම්මා

වාරුව නැතිව වැටි වැටි ඇවිදින දාක
වාරුව දුන්නේ ඔබේ දෑතින් එදා මට
පෙන්නා දුර ඈත මා ළඟ ඉඳන් නුඹ
ගුණදම් වලින් මගේ දිවි හැඩ කළා ඔබ

මෙරක් තරම් දරු සෙනෙහස හදේ රුවා
කොතෙක් දුකක් වින්දද මා නමින් එදා
මෙතෙක් කියා පවසනුහැකි නොහැකි නිසා
නුඹේ ගුණය හදවත තුළ රැඳෙයි සදා

හදවත පුරා ගලනා ස්නේහෙන් දෝවා
පවසන වදන හදවත නිති පිරිමදිනා
නිරතුරු නොබිදෙනා ස්නේහෙන් එක ලෙසමා
මා ළඟ සිටිය සෙවනැල්ලයි මගේ අම්මා

සිතින්පවා මා අතින් වරදක්වීද
දෙඅත් බැඳන් ඔබේ ළඟ දණ නමන් මම
දරන් සිතේ ඔබේ ගුණ සැමදා මම
දෙපා වඳිමි අම්මේ ඔබේ මෙලෙස මම

මගෙ දිවි ගමන හැඩ කල මගෙ අම්මාට
හදවත පුරා පැතුමක් පතනෙමි මෙලෙස
ඔබ කල පින් මහිම දිලි දිලි මතුදාක
සසරින් එතෙර වී නිවනින් සැනසෙන්න

මේ නිර්මාණය සදහා අපව දිරිමත් කල නන් අයුරින් උපකාර කල
සියලු දෙනාට ගෞරව පූර්වකව අප ස්තූතිය පුද කරමු

පින් මතුවන වන්දනා
Pin mathuwana wandana