Anokha Mati

हम डॉ सुदर्शन प्रसाद राय तपसी सिंह उच्च विद्यालय इंटर कॉलेज चिरांद सारण बिहार में शिक्षक के रूप में कार्य कर रहल बानी हमारा बचपन से कला आ सहित्य के प्रति प्रेम मन में गुदगुदी जगावत रहल। गीत कवित के रचना शब्द के रूप में अंतःकरण से प्रस्फुटित भईल अब समाज में गीत संगीत के द्वारा कुछ संदेश देत लोक चेतना के अंजोर कईल चाहत बानी। अजगुत सपना के साकार करे के उद्देश्य से अनोखा माटी के चैनल के समहुत भईल बा। माटी के ममता में पोसाईल जिनगी लोक संस्कृति आ संस्कार के विरासत के जुगाई, जनमानस के सुबहित राह दिखाई। हिंदी आ भोजपुरी में सब रस आ भाव के सुंदर संकलन समाज के दशा दिशा आ सुधारवादी दृष्टिकोण प्रदान करी । समाज में उपतल कुरीति विकृति विसंगति दुर्गुण दोष जइसन बीमारी के समुचित इलाज भी समय-समय पर होत रही। गांव से शहर तक दहेज प्रथा, नशा उन्मूलन, बेरोजगारी, पर्यावरण, प्रदूषण बुढ पुरनिया के अपमान गंभीर समस्या के न्योता दे रहल बा।अइसन विधि व्यवस्था पर भी प्रखर नजर राखल जाइ। एह अनोखा माटी चैनल के माध्यम से रउआ सभेके कोटि-कोटि हार्दिक अभिनंदन करत हृदय के अतल गहराई से स्वागत करत बानी।