Welcoem to posts!!
in the future - u will be able to do some more stuff here,,,!! like pat catgirl- i mean um yeah... for now u can only see others's posts :c
NAMAZDAN SONRA XÜTBƏ YA XÜTBƏDƏN SONRA NAMAZ?
Mənim Muhəmməd ibn Yaquba istinadımla Muhəmməd ibn Yəhyadan, o da Əhməd ibn Muhəmməd ibn İsadan, o da İbn Məhbubdan, o da Hişam ibn Salimdən, o da Əbu Həmzədən, o da Səid ibn Müseyyibdən belə nəql edir edir: İmam Zeynulabidin (aleyhissəlam) buyurub: Peyğəmbər (s) Əmr ibn Ovfun evində ikən Əli (ə) gəldi və onunla birlikdə orada qaldı. Peyğəmbər (s) Qubadan Bəni-Salim ibn Ovfun qəsəbəsinə getdi. Əli (ə) də onunla idi. Cümə günü, gün doğan vaxt idi. Onlar üçün bir məscidin yerini cızdı, qibləsini təyin etdi, onlara iki rəkət cümə namazı qıldı, sonra iki xütbə söylədi.
(Muxtəsər Bəsairud-Dərəcat,
21/379)
75 - 1
Muhəmməd ibn İsadan, o da Səfvandan, o da Müsənna Hənnatdan, o da Əmr ibn Şimrdən, o da Cabirdən belə nəql edir: "İmam Sadiq (aleyhissəlam) buyurdu: "Uca Allah (hazırda) qorxunu düşmənlərimizin qəlblərindən çıxarmış, şiələrimizin qəlblərində yerləşdirmişdir. Bizim əmrimiz (Qaimimiz) gəldikdə qorxunu şiələrimizin qəlblərindən çıxarıb düşmənlərimizin qəlblərinə salacaq. Həmin vaxt şiələrimizdən hər biri nizənin ucundan daha iti və şirdən daha sürətli olacaq. Düşmənini nizəsi ilə dəşəcək, qılıncı ilə vuracaq və ayaqları ilə tapdalayacaq".
Muxtəsər Bəsairud-Dərəcat, 33/347 səh.200)
173 - 2
DİNİ DOĞRU-DÜRÜST TUTUN, ONUNLA BAĞLI AYRILIĞA DÜŞMƏYİN! (ŞURA:13)
SƏN DƏ ONLARIN TUTDUĞU HAQQ YOLUNU TUTUB GET! (ƏNAM:90)
Muhəmməd ibn Hüseyn ibn Əbul-Xəttab (bizə) Nəzr ibn Şüeybdən, o da Əbdülğəffar Cazidən İmam Sadiqin (aləyhissəlam) belə buyurduğunu nəql edir: "Uca Allah Öz Peyğəmbərinə (s) belə buyurdu: "Dini doğru-dürüst tutun (qoruyub saxlayın), onda (Əlinin vilayətində) ayrılığa düşməyin!" - deyə Nuha tövsiyə etdiyini, sənə vəhy buyurduğunu, İbrahimə, Musaya və İsaya tövsiyə etdiyini dində sənin üçün də qanuni etdi. Sənin dəvət etdiyin müşriklərə ağır gəldi". (Ənam:90) Yəni Əli ibn Əbu Talibin (aleyhissəlam) vilayəti onlara ağır gəldi".
İmam (aleyhissəlam) buyurdu: "Həqiqətən, Uca Allah hər bir peyğəmbərdən və mömindən Muhəmmədə (s) Əliyə (ə), hər bir nəbiyə - vilayətə iman gətirmələri barədə əhd almışdır".
Sonra Muhəmmədə (s) buyurdu: "Onlar Allahın doğru yola yönəltdiyi kimsələrdir. Sən də onların (nəbilərin) tutduğu haqq yolunu tutub get". Yəni Adəm, Nuh va onlardan sonrakı bütün peyğəmbərlər kimi (Əlinin vilayətinin yolunu tutub get).
(Muxtəsər Bəsairud-Dərəcat, 25/187)
115 - 1
İmam Əli (aleyhissəlam) buyurub:
Mən bilirəm ki, sizi ancaq qılınc islah edə bilər. Lakin mən sizi özümü məhv etmək bahasına islah etmək istəmirəm. Məndən sonra sizə sərt hökumətlər hakim olacaq.
(Əl-İrşad, cild.1, səh.281)
164 - 1
ƏMMAMƏNİN FORMASI - HİSSƏ 2
Həməvini yazmışdır. "Əbu Tahir" adı ilə tanınan Əhməd ibn İsa ibn Abdullah demişdir: "Mənə atam öz atasından, o da Cəfər ibn Muhəmmədin (ə) belə söylədiyini rəvayət etmişdir: "Mənə atam babamdan nəql etmişdir ki, Rəsulullah (s) "Səhab" (adlandırdığı) əmmaməsini Əli ibn Əbu Talibin (aleyhissəlam) başına qoyub ucunu onun sinəsinə və kürəyinə atdı və ona: "Yaxın gəl!" dedi. O da yaxınlaşdı. Sonra ona: "Geri çəkil!"- söylədi. O da geri çəkildi. Daha sonra buyurdu: "Mələklər mənim yanıma belə gəlmişdilər"
(Cüveyni, Fəraid əs-Simteyn, səh.76, hədis.42)
Həməvini yazmışdır: "Əbu Raşid Əli ibn Əbu Talibdən (aleyhissəlan) nəql edərək demişdir: "Rəsulullah (s) buyurmuşdur: "Həqiqətən də, izzət və cəlalət sahibi olan Allah - Bədr günü və Hüneyndə mənə belə əmmamə qoymuş mələklərlə dəstək oldu. Əmmamə müsəlmanlarla kafirlər arasında bir maneədir". O, bu sözləri Əliyə (ə) Qədir-Xum günü, onun başına əmmamə qoyub əmmamənin bir tərəfini açıb çiyinlərinə atdığı vaxt demişdir".
(Cüveyni, Fəraid əs-Simteyn, səh.74, hədis.41)
Həməvini yazmışdır: “Əbu Raşid Hərrani Əli ibn Əbu Talibdən (aleyhissəlam) belə söylədiyini nəql etmişdir: "Rəsulullah (s) Qədir-Xum günü mənim başıma əmmamə qoydu və bir ucunu çiyinlərimə atıb buyurdu: "Həqiqətən də, Allah Bədr və Hüneyn günləri mənə belə əmmamə qoymuş mələklərlə dəstək oldu".
(Cüveyni, Fəraid əs-Simteyn, səh.76, hədis.43); (Kəşfil-Muhimmi fi təriqi Ğədiri Xum, hədis. 73-75)
ƏMMAMƏNİN FORMASI - HİSSƏ 1
t.me/rajaattv/1992
39 - 1
Peyğəmbər (səllallahu aleyhi və alih) - Əliyə (ə) belə buyurmuşdur: Ümmət sənə qarşı vəfasızlıq edəcək.
(Ət-Tarix əl-kəbir, cild.2, səh.174, nömrə 2103)
206 - 3
Muhəmməd ibn Müfəzzəl (atası) Müfəzzəl ibn Ömərin belə dediyini nəql edir: Mövlam İmam Sadiqdən (əleyhissəlam) Qaim haqqında soruşdum:
Qaim kimin arasında və necə zühur edəcək? İmam buyurdu: Ey Müfəzzəl, tənha halda zühur edəcək. Tək olaraq Kəbə evinə gələcək. Gecə düşdükdə Cəbrail, Mikail və mələklər dəstə-dəstə nazil olacaqlar. Cəbrail ona belə deyəcək: Ey Mövlam, sözün məqbul, əmrin keçərlidir. O əlini üzünə çəkib deyəcək,: Bizə verdiyi vədini yerinə yetirmiş və bizi bu yerə varis etmiş Allaha həmd olsun! Biz Cənnətin istədiyimiz yerində sakin oluruq. Yaxşi əməl edənlərin mükafatı necə də gözəldir. (Zumər:74)
Ey Müfəzzəl, Qaim kürəyini Beytul-həramın Kəbəsinə söykəyəcək və mübarək əlini uzadacaq. Sonra belə deyəcək: Bu, Allahın əlidir, Allahın adındandır və Allahın əmri ilədir. Daha sonra bu ayəni tilavət edəcək: Sənə beyət edənlər, sübhəsiz ki, Allaha beyət etmiş olurlar, Allahın əli onların əllərinin üstündədir. Kim pozsa, ancaq öz əleyhinə pozmuş olar. Kim Allahla etdiyi əhdi yerinə yetirsə, ona böyük mükafat verər.(Fəth:10)
(Əl-Hidəyətul Kubra, səh.494-495)
124 - 1
Muhəmməd ibn Əhməd bizə Cəfər ibn Malik əl-Kufidən, o da Əli ibn Haşimdən, o da Ziyad ibn Munzirdən, o da Ziyad ibn Suqədən nəql edir: "Muhəmməd ibn Əmr ibn Həsənin yanında idik. Onların başına gətirilənləri yad etdik. Saqqalı göz yaşlarına bulaşanadək ağladı. Sonra buyurdu:
"Muhəmməd ailəsinin vilayəti elə böyük və elə örtülüdür ki, qeyd edilməsi belə mümkün deyil. Bizim Qaimimiz gəldikdə bu barədə danışacaq və Quran da onu təsdiqləyəcək".
(Bəsairud-Dərəcat, bab.12, hədis.8)
212 - 2
Sələmə ibn Xəttab (bizə) Süleyman ibn Səmaədən, Abdullah ibn Muhəmməd də Abdullah ibn Qasimdən, o da Haris Bətəldən, o da Əbu Bəsirdən və ya ona Əbu Bəsirdən rəvayət edən şəxsdən İmam Sadiqin (aleyhissəlam) belə buyurduğunu nəql edir:
"Hansı bir imam onu qarşıda nə gözlədiyini və aqibətinin nə olacağını bilmirsə, o, Allahın məxluqları üzərində əsla höccət deyil".
(Muxtəsər Bəsairud-Dərəcat, 28/28)
212 - 4
ƏBUZƏRİN ASLANI
İmam Həsən Əskəri (aleyhissəlam) dedi: "Atam atasından belə nəql edib: Peyğəmbərin (s) çox dəyərli səhabələrindən olan Əbuzər Gifari bir gün Peyğəmbərin (s) yanına gəlib, dedi: "Ey Allahın Rəsulu, altmışa yaxın qoyunum var, ancaq səndən ayrılmaq və vaxtımı onların yanında çöllərdə keçirtmək istəmirəm. Onları çobana tapşırsam, onlara zülm edəcək və yaxşı baxmayacaqlar. Nə etməliyəm?"
Peyğəmbər (s) buyurdu: "Qoyunlarınla birlikdə çölə get".
Əbuzər qoyunlarını götürüb çölə getdi. Bir həftə sonra qayıtdığı zaman Peyğəmbərin (s) yanına gəldi. Peyğəmbər (s) buyurdu: "Ey Əbuzər!"
O, dedi: "Labbeyk, ey Allahın Rəsulu".
Peyğəmbər (s) buyurdu: "Qoyunlarını nə etdin?"
Əbuzər dedi: "Ey Allahın Rəsulu, onların qəribə əhvalatı var".
Peyğəmbər (s) soruşdu: "O nədir?"
Əbuzər dedi: "Ey Allahın Rəsulu, (çöldə qoyunlarımın yanında idim) namaz qıldığım əsnada canavar qoyunlara hücum etməyə başladı. Öz-özümə dedim: "Ey namazımın Rəbbi, ey qoyunlarımın Rəbbi (nə etməliyəm, namazı qırib qoyunları xilas etməliyəm, yoxsa namazıma davam etməliyəm?)"
Namaza davam etməyi üstün tutdum, ancaq Şeytan ağlımı qarışdırmağa başladı və dedi: "Ey Əbuzər, canavar qoyunlarına hücum edib, ancaq sən namaz qılırsan. (Əgər namazı sındırıb, qoyunlarının köməyinə qaçmasan) canavar onların hamısını həlak edəcək. Sənə bu dünyada çətinlikdən başqa heç bir şey qalmayacaq".
Şeytana dedim: "Mənə Allahın təkliyi, Allah Rəsulu Muhəmmədə iman, qardaşı ondan sonra yaradılmışların ağası Əli ibn Əbutalibi dost (və başçı) tutmaq, habelə övladlarından olan hidayətedici, pak imamları vəli bilmək, düşmənlərilə düşmənçilik qalacaq. Bundan sonra dünyadan gedən hər bir şey asandır".
Namazımı qılmağa davam etdim. Bu əsnada canavar gəlib, quzunu qaparaq aparırdı. Mən bunu hiss edirdim. Birdən şir çıxıb canavarın üstünə getdi və onu ikə yerə parçaladı. Qapdığı quzunu xilas edib sürüyə qaytardı. Yanıma gəlib dedi: "Ey Əbuzər, namazına davam et, şübhən olmasın ki, Allah sən namazını qılıb qurtarana qədər qoyunlarını qorumağı mənə tapşırmışdır". Mən namazına davam etdim. Məni elə bir təəccüb bürümüşdü ki, bunu Allahdan başqa heç kəs bilməzdi. Namazımı bitirdikdən sonra şir yanıma gəlib dedi: "Muhəmmədin yanına get və ona xəbər ver ki. Allah-taala şəriətini qoruyan yoldaşına ikram etmiş və qoyunlarını qorusun deyə, bir şiri bu işə vəzifələndirmişdir". Allah Rəsulunun (s) yanındakılar buna təəccüb etdilər. Allah Rəsulu (s) buyurdu: "Ey Əbuzər, doğru deyirsən. Sənin söylədiklərinə mən, Əli, Fatimə, Həsən və Hüseyn inanırıq".
Orada olan münafiqlərdən biri dedi: "Bu, Muhəmmədlə Əbuzər arasında olan anlaşmadır. O, üstün olduğunu göstərməklə bizi aldatmağa çalışır". İyirmi nəfər adam sözü bir yerə qoyub, dedilər: "Biz onun qoyunlarının yanına gedib, namaz qıldıqda ona baxacağıq. Görəsən, şir gəlib onun qoyunlarını qoruyacaqmı? Bununla da onun yalan danışması aydın olacaq". Onlar gedib, gördülər ki, Əbuzər namaz qılır, şir isə qoyunlarının ətrafında gəzişir və onlara nəzarət edir. Sürüdən ayrılmaq istəyən qoyunu sürüyə döndərib geri qaytarırdı. Əbuzər namazını bitirdikdə şir dedi: "Ey Əbuzər, sürün yerindədir. Onların sayı da qaydasındadır".
Sonra şir onları səsləyib, dedi: "Ey münafiqlər, Muhəmmədin, Əlinin və pak ailəsinin dostunu inkar edirsiniz? O, Allaha onların vasitəsilə təvəssül etmişdi. Allah bunun nəticəsində mənə onun qoyunlarını qorumağı tapşırdı. Muhəmməd və pak, tərtəmiz ailəsini hörmətli edən kəsə and olsun ki, Allah məni Əbuzərin əmrinə verib. Əgər Əbuzər sizi parçalayıb öldürməyimi əmr etsə, sözsüz ki, sizi parça-tikə edərəm. Zatından başqa and içiləcək heç bir şey olmayan Allaha and olsun ki, əgər Əbuzər Allahdan Muhəmməd və Əhli-beytinə xatir dənizləri yağa, dağları müşk, ənbər və kafura, ağacları zümrüd və zəbərcədə çevirməsini diləsəydi, bu, Allaha (bunları gerçəkləşdirmək üçün) mane olmazdı".
Bu hadisədən sonra Əbuzər Peyğəmbərin (s) yanına qayıtdı. Allah Rəsulu (s) buyurdu: "Ey Əbuzər, sən Allaha itaət vəzifəni çox yaxşı şəkildə yerinə yetirdin. Buna görə də Allah yırtıcı heyvanı sənin itaətin altına verdi. Sən Allahın mədh etdiyi ən fəzilətli kəssən ki, barəsində "Onlar namaz qılarlar" - deyərək, tərifləmişdir".
(Təfsir İmam Həsən Əskəri, hədis.37)
131 - 9
İmamı Rajaat'da salamla
Əhli-beyt tərəfdarlarının haqq olması və İslamın dünya üzərində qələbə çalması ümidi ilə, bütün müsəlmanları və qeyri dinə mənsub şəxsləri bizi izləməyə dəvət edirik. Rajaat ifadəsi gələcək dövrün adın daşısada mənası «Qayıdış» deməkdir, yəni Allahın hökmünün və ədalətin dünyada bərqərar olunması. Bu dövr isə Qaimin (yəni imam Məhdinin ə.f) zühuru ilə başlanacaq.
Bu kanalda siz - İlahi Qanunlar, Əhlibeytin mərifəti, Tarix, Quranın sirrləri, Təvil (İzoterik məna), Təfsir, Əhli-Xilafa cavab, Ziyarətnamələr, Dualar, Fiqh, İmamət və digər İslami bilik potensialınızı artıra bilərsiniz.
Bizə dua etməyi və kanalımıza abunə olmağı unutmayın.
Proyektlə bağlı bizə dəstək olmaq üçün:
Elektron ünvan: Rajaattv313@gmail.com
Təşəkkür edirik.