Maliyyə savadlılığının ictimai dəyər kimi tanınması, istehlakçıların savadlılıq səviyyəsinin və hüquqlarının müdafiəsinin artırılması, həmçinin maliyyə məsələləri ilə bağlı düzgün qərarların verilməsini dəstəkləmək məqsədilə Azərbaycan Respublikasının Mərkəzi Bankı təşkilati missiyasına uyğun müxtəlif maarifləndirmə tədbirləri təşkil edir.
Bu tədbirlərlə yanaşı müasir intellektual vasitələrdən istifadə də olunur. Belə intellektual vasitələrdən biri də “Maliyyə savadlılığı” portalıdır – www.bizimpullar.az. Məzmunu mütəmadi zənginləşdirilən bu portal vasitəsilə iqtisadiyyat və maliyyə sahəsində informativ materiallarla, bank xidmətləri və mərkəzi bankçılığa dair izahedici animasiyalarla, virtual muzey və məktəblilər üçün rubrikalarla tanış olmaq, eləcə də iqtisadi məzmunlu oyunlardan və kalkulyatorlardan istifadə etmək mümkündür.